今晚去左尖東食 buffet 勁正，post d 相上黎回味下先：

大大個麵包，最頂係麥包，左邊係縠包，右邊係好正既香草包﹝推介﹞：

正菜沙律：

面頭d菇好爽口：

冷盤大什會，最頂紅色小塊係煙鴨胸，有塊蕃茄放面既係鮮雞肉，

左邊少少粉紅色既係新鮮青口，最下面係煙三文魚，

中間係我覺得極正既生蠔！每次只擺廿零隻，廚師密密出黎補貨非常新鮮！

芝士類，最黃色既係 Chedder Cheese，銀色邊既係 Blue Cheese﹝呢隻較濃味﹞：

左下角一pad 既係自己出去 "不"既羊奶芝士，送紅酒一流！

新鮮三文魚剌身，肥大肉厚！我走埋去求其叫聲話要三文魚就切咁大碟俾我，好似唔駛錢買咁：

細細碗冷麵，麵條夠幼滑，加多件壽司都唔太飽：

主菜 - 最頂金黃色係龍蝦仔焗飯﹝影得唔靚添﹞，隔離白雪雪既當然係魚肉，

右邊係蜜豆炒什菇﹝有牛肉既？﹞，左邊啡色白肉同隔離既係淋左燒汁既雞肉同牛柳：

最搶眼既當然係見到都口水流既金菇牛肉卷啦：

頭先 mention 過既牛柳，大塊版：

生滾靚粥 - 蟹皇粥：

任揀即煮海產，大大隻蚌、蜆、田螺、花螺、扇貝...應有盡有：

甜品篇 - 最頂白色面既係 New York Cheese Cake，ok啦，右邊係自己"不"既車厘子布甸：

綠茶既係綠茶芝士蛋糕，芝士味重左d﹝好彩只係切左少少試﹞，下面焦糖布甸幾正：

自製班戟，師傅幫你煎塊皮自已加餡，圖中係紅莓同什果，

仲有朱古力香蕉同其他生果可選：

左邊都係pancake，右下角係雜果，

右上角係鎮店甜品 - 由甜品名廚 Tony主理既Tiramisu，入口即溶口感幼滑，回味無窮！

我想再 encore 時已被搶購一空！

鮮果拼盆：有西瓜、蜜瓜、哈蜜瓜、火龍果、提子等等多款鮮果，另有大塊切片鮮果供應：

呢杯個樣好靚既合桃 mossue，朋友仔話味道麻麻喎：

最尾黎杯咖啡作完結：