今日同朋友去左美食博覽，好多野試食，正呀~~~！
睇睇 d counters 先，五豐行賣米既，無得試食！
大班麵包西餅，佈置到好似城堡咁，而家當然主攻月餅啦，我都放低左二百幾蚊買左張燕窩冰皮月餅劵：
美心月餅，個 counter 幾靚，但唔知係咪我夜晚黎，不設試食，亦唔見有職員好主動咁 sell 客：
金蘭醬油，佢反而有野試食喎，試食人龍兜晒圈，佢用自己醬油整左幾款小食等人龍邊行邊試，識做：
﹝p.s. 最正係蠔油炆冬菇﹞
佳富高，專賣韓國食品，近年韓風熾熱，個個都走埋去望下：
嘩~~ 有酒試呀~~~ 不過只限紅白餐酒~~ ﹝唔通怕人飲醉揭亂？﹞
香港 Q 嘜都有 counter！
名古屋麵包西餅，又係主政冰皮月餅，仲話低卡路里食完都 keep住咁 fit 喎~~
伯朗咖啡，有多款咖啡試飲，仲有新口味登場，買滿 $30 送兩包即沖咖啡：
李錦記醬油，唔見有試食喎~~~
盞記燕窩~~ 個 banner 夠搶眼~~~
超力食品~~﹝我淨係諗係銀絲米粉！﹞
賣 PAPA JELLY，有試食，個人食完覺得麻麻地好味~~
奇華餅家，場內中式餅食一律 $20 / 3包~~
壽桃牌產品，我買到佢 $40 既"福袋"孝敬媽子，好鬼抵，八個碗麵另加其他包裝上海麵、蕎麥麵等多款產品：
東海堂，當然 hard sell 月餅，主攻加菲貓等卡通月餅：
優之良品，模式同門市擺既貨差唔多~~~
京都念慈菴，當然賣枇杷膏啦~~
阿波蘿雪糕，我用 $15 買左支兩款味鮮果乳酪，正~~~
大大支益力多，你今日飲左未呀？
鴻福堂主攻健康飲品：
中華電力有電磁爐無火煮食示範：
MEKO 樽裝水，我鍾意佢大大個等離子電視，夠落本~~
仲有好多其他參展商我無時間影相乍，總之個個去完番出黎都大袋細袋咁，我都唔例外滿載而歸！
