今日，係黑色星期五，但對我黎講，就係Happy星期五！

今日放大假，連埋禮拜六日，一連三日上廣州影新地鐵，順便充充電，開心下~~

朝早同男友食完早餐，搭西鐵轉巴士，再搭火車上羅湖過關...

上到深圳搭火車上廣州，派架無乜冷氣既準高速過黎，好在坐一個鐘o者...

落左車，第一件事搭兩個站地鐵落酒店check-in先，放低晒d行李沖個靚涼訓個舒服既晏覺~~zzz

傍晚，搭地鐵去上下九路既途中，竟然俾我地撞到1/7機會至見到既地鐵二號線新車！

我地搭到落南面總站，趁人少少既時候影晒相：

車廂編號：

車長門後的緊急逃生門：

列車車門：

車廂內裡一覽：

車廂內光管放於兩側，路線圖被逼貼在較低位置：

車卡之間裝有電子報站顯示屏：

車卡之間的接駁位：

乘客座椅：

唯一遺憾既係二號線全線都已加設月台幕門，無辦法影到一張靚靚車頭相！

坐住新車落上下九路幫媽咪買藥，之後返酒店食日本野，坐後面位果兩個o架仔飲酒飲到成塊面紅晒...