期待左好耐既旅行，終於成行勒~~

近排非典型肺炎令旅遊業萎縮，我都擔心過今次可唔可以順利起行，好在一切如常。

今朝五點幾已經起身，六點半就出門口，約好 Zenga落碼頭搭船去東涌，再轉巴士去機場。

去到機場七點幾，唔知係時間尚早定真係肺炎影響，客運大樓一片蕭條，人影都唔多隻。

我地去 check-in 將 d行李寄左艙之後就輕輕鬆鬆去左"蕉葉"食早餐。﹝原來機場蕉葉有早餐食架喎！)

食飽左四圍行下，又買左 d雜誌上機睇，見差唔多時候就行入禁區。

一切都好順利，體溫測試都 pass左，但估唔到 Zenga帶果部 notebook過海關果陣要做 d 咩微粒測試，花多左時間。

之前 check-in既地勸都同我地講無人駕駛列車 close左，要自己行入閘口，叫我地預鬆 d時間，咁花多左時間就要追番。

好在 d行李寄左艙，大家可以行快 d，仲趕得切入閘上機，班機早左 09:05起飛，標誌著今次既旅程正式開始。

經過四個多小時既飛行，日本時間下午兩點，班機順利降落成田機場，接住落機搞入境同過海關等手續。

拎晒行李搞掂晒 d野，第一時間當然要搵 ATM [手禁]機先，呢邊有CITIBANK柜員機，我地無帶CASH過黎~~

之後依照原定 schedule 買 JR Narita Express (NEX成田機場快線) 車飛去新宿，o係月台見到對面有JR，當然唔會放過：

隔離 Platform仲有架好似大陸各車既物體 (其實係另一種機場快車 - 京成電鐵 Skyliner)，個車身真係好似韶山八拖住果 d客車：

當然，自己搭既 NEX都會同佢影番 d相 (臨走會再影)，仔細看原來係幾架車 couple 埋成一列長車：

車廂內貎：

車頂行李廂，下面係冷氣調較掣：

經過兩個幾鐘既車程，四點幾去到新宿。

拖住 d行李去酒店 check-in，搞得黎上到房都差唔多五點，嘩...成個人散晒咁滯.....

抖左一陣，我地按 plan好左既 schedule上池袋，過酒店隔離既西武新宿站搭西武新宿線，o係高田馬場轉車上池袋。

我地照住 plan定既路線行去我地 target去既鋪頭買野，之後過左斜對面松屋食飯。

松屋係自助形式，門口有部食物售賣機，入錢買左拎張飛入去俾店員就有得食~~

我地 [手禁]左個燒雞套餐同燒豬肉套餐，睇住個師傅一路整一路聞住 d食物既香味，上碟時熱辣辣夠晒鑊氣。

Zenga一路食一路讚 d飯好軟熟好好食，咬落應該係珍珠米，煮到岩岩熟口感好軟滑，正！

推介燒雞套餐 ¥580 (約HK$37) 包一個雜菜沙律，一碗足料麵鼓湯，一大碗白飯同燒雞一碟，抵食！

晚飯後行去附近便利店買 d日用品就搭 JR返新宿酒店休息，結束左第一日既旅程。