出發囉！琴晚至匆匆忙忙執行李，今朝晨早起身梳洗換衫，臨出門前仲翻睇有無執漏野...

七點三出門口﹝仲早過返工﹞，搭輕鐵七點半已經落到屯門碼頭，等埋男友一齊搭船過東涌，轉巴士去機場...

一個鐘頭後，終於黎到機場柜位 check-in，之後搵地方食早餐...

不外乎都係果幾間快餐店，但係晨咁早都好多人，最後去左意粉屋食。

食飽左係時候過入境同海關，登機閘口比較遠，入左禁區都仲要行幾個字同搭無人駕駛列車落去...

飛機比原定時間遲左半小時起飛，約四小時後，日本時間下午三點半，順利抵達成田機場。

辦好入境手續及認領行李後，去柜位買火車飛出番東京市區，睇睇時間表，最近果班車將於 15:55 開出。

我地去到柜位果陣已經差唔多三點九，但係班機遲左，我地更加想追番 d時間去酒店 check-in，於是拿拿聲去ATM提錢買飛。

好在...趕得切...今次搭京成 Skyliner，準時 16:20抵達日暮里，我地在日暮里轉 JR山手線去池袋。

由池袋站行去酒店都頗遠，check-in上房後，第一時間放低晒 d行李抖抖先。

六點半，開始覺得有 d肚餓 (鬼咩..d 飛機餐唔好食，無乜點食過)，男友提議到附近 McDonald食飽，佢話好懷念 d燒汁漢堡喎！

見佢食得津津有味，陪佢日日食都抵！﹝講真個燒汁漢堡又真係幾好味~~！﹞

差 d唔記得添，o係日本麥記食野要自己清場﹝倒垃圾﹞架喎，杯蓋飲管攪攪棒放一邊，其他垃圾掉在另一邊，托盤放回柜面。

食飽左過附近便利店買杯麵宵夜，都預左今次過黎 "措"肥自己架啦，遲 d起身唔食早餐咪又打個和！

我以前上網訂左 d衫，今次過黎都要去幾個地方拎番，池袋呢間比較近行去都得，老闆知我係香港黎，仲額外送左套衫話係手信添！

之後搭 JR過上野，呢間無訂到貨，去舖面打左個圈就走，跟住又去左巢鴨，但係...呢間已經收左舖！

搞到九點幾，日本個個車站都有番咁上o下大，行都行到腳軟，返池袋後第一件事去松屋餐肚，我好懷念佢 d燒豚肉飯！

食完飯個人暖笠笠，就算天氣涷左少少都行得好舒服...我地一路沿住熙來攘往既人群行返酒店...    ﹝待續﹞