今日會去迪士尼海洋，唔知會唔會有美人魚呢？
晏晝依然係去舊記食包，途中竟然俾我地發現上次o係新宿食過好好味既日高屋拉麵，今晚一定要去試下：
入到麥記影番幾張相先：
左邊係 Pancake，下面係藍莓醬，兩杯野飲係咖啡同茶，
打開 Pancake 個蓋先：
一盒有 7小塊，日本麥記將佢歸納入甜品類
淋 d 藍莓醬上面先，一盒藍莓醬分為兩邊，一邊係藍莓醬，另一邊係奶油，將盒野向外屈 o拍開，d醬就會o係中間唧出黎：
黎啦黎啦，新鮮熱辣既燒汁漢堡黎啦，我地買左三個包咁多 ~~~
放大 d個包睇下：
好多料喎，生菜夾住燒汁牛肉，加上沙律醬，簡直令人回味無窮：
我搵兩個位坐低左，抬頭一望見到麥記請 Part-time既廣告，時薪有 900 yen﹝約HK$52﹞，高中生都有 850 yen ﹝約HK$49﹞。
o係日本，呢個雖然唔係好高薪，但起碼足以維持生計，而且唔好忘記，佢地唔駛執垃圾架~~
計計數，日本一個巨無霸賣 240 yen 左右，要買差唔多 4 個包至等於一個人既時薪。
香港麥記平均 HK$ 12 - HK$14 一個鐘，即係買一個巨無霸就等於一個人既時薪，唉~~ 香港人真係 Cheap Labour！
我諗番起之前有人 send 過個 e-mail 比較香港同日本麥記既 staff 個樣，我只能說句：一分錢一分貨！
食完包之後，我地搭地鐵有樂町線去新木場，大約半個鐘，之後轉 JR京葉線去舞濱站落車，向迪士尼進發。
下面 d相就係新木場站：
月台一景
島式月台，兩邊露天地方有透明蓋，落雨都唔怕
乘客資訊顯示屏，上圖意思係「14:38分往東京站列車站站停﹝即係慢車﹞，列車即將到站。」
呢架就係頭上圖所指站站停，返東京站既慢車
上落客情況，平日下午兩點幾都咁多人
月台號碼燈箱，寫明列車運行方向，大大隻字夠顯眼
站名燈箱，JR 全線都係用呢款
月台上有路線圖及行車時間表
行車時間表列出平日、假日 / 公眾假期既行車班次，夠晒方便
另一款往東京既慢車
呢架係快車，只停某些大站，我地就搭呢架去舞濱
到左舞濱站落車，要搭迪士尼渡假區線無人駕駛單軌列車至去到迪士尼海洋架：
迪士尼渡假區線候車月台
站名燈箱
Zoom近d...
由月台望出去，可見單軌鐵路中間只得一條路軌
從月台隔住鐵絲網可見對面月台既 JR 列車
迪士尼渡假區線列車，油到好似甲蟲咁既樣，總覺得無以前咁靚
車身依然印有 20 週年既字眼
車內米奇型扶手
路線圖，全線只得四個站
從窗外望出去...
連道牆都印有米奇老鼠標記
停車場擺滿旅遊巴
車頭望出去一景，停車場既車海
咁樣望出去好有司機渣車既 feel
樂園內少有既高樓大廈...
海邊風景 (1)
海邊風景 (2)
海邊風景 (3)
左邊既大船係迪士尼海洋其中一個主題區既特色
海邊風景 (4)
海邊風景 (5)
迪士尼海洋入口
我地買飛果陣發覺售票員英文唔多掂，只識簡單既對答，甚至我男友講 both 佢聽唔明而要講 two，遊客區咁樣唔掂喎...
一落車可看到入口廣場處有個大地球，周圍既建築物好似童話世界既咁：
噴水池托住個地球
d屋好似童話故事果 d咁~
原來...個地球會轉架！岩岩睇到澳洲
拿拿拿~ 睇到香港勒~~
轉到去非洲...
行去不遠處，好多人圍住好似有野睇咁....啊...原來係...
高飛狗被人圍住...
係松鼠仔喎...
Hello...小妹妹...
同小妹妹影張靚相先...！
嘻嘻...連姐姐仔都走埋黎撩我...！
唉~~ 甩難！
通往地中海港灣既通道
主題區 (1) - 地中海港灣：
岸邊一覽，可惜當日天氣不佳
海岸附近商店林立
聖誕樹啊~~ 行近左 d cut左個粒星添... ﹝上一幅圖有得睇番﹞
對岸係美國海濱
有點水上威尼斯風倩吧~
一艘艘船泊在岸邊
有洋樂表演
表演者向大家 Say Hi ！
他們揮動旗幟落力表演
港灣其中一艘觀光船
駛近左啦~~
遠處也有呢...
通往迪士尼海洋觀海景酒店
呢間係餐廳，頗有懷舊 feel...
酒店外圍建築
呢對雕塑像好多人圍觀，相信係新既,...
港灣一景...
回望返正門...
海邊既城堡，內有大航海時代的機器和科學道具
步行往神秘島的通道
主題區 (2) - 神秘島：
又有觀光船...
整個島被一座名叫普羅米修斯的山包圍住
中間缺口為通往地心探險之旅既入口
觀光船既顪色與橋身一致
望過斜對面係阿拉伯海岸
沿此路直行就係美人魚礁瑚
主題區 (3) - 美人魚礁瑚：
入口處有大海豚歡迎您
美麗的海底世界
海底咖啡杯？唔係，係海藻杯至真！
轉呀轉，轉呀轉...
果然好多珊瑚...
在海底漫步，寫意嗎... 左邊大大個既係河豚汽球...
繁盛的海底世界...
跳躍水母，坐在水母下的大貝殼，在海底起起伏伏...
美人魚礁瑚劇場，即係...「海底戲院」？
在鯨魚肚內買紀念品，咩感受呢...
後來我地去左鯨魚肚隔離既餐廳食 tea，但 d店員唔識講英文既，um...迪士尼話晒都係遊客區，咁唔多似樣...
小飛魚雲霄飛車...
好快啊...！
睇下條 Track 幾彎...
再黎一圈...
跟住要去對岸呢個景點
主題區 (4) - 阿拉伯海岸：
圓頂既就係阿拉伯海岸入口
剛巧有船經過...
入口處好多人...
到處都是圓頂建築
凱茲堡餐飲廣場
神燈劇場，有阿拉丁神燈上演
神燈劇場入口
這間圓頂既，原來係個遊樂場！
內有旋轉木馬外，還有駱駝、大象、阿拉丁精靈俾你騎！
阿拉丁姑娘多性感
阿拉伯市集
「芝蔴開門」！佢賣咖喱麵包既...
海岸旁有木船停泊
Sindbad's Seven Voyages - 係一個劇場，令你進入「天方夜譚」的世界
接住係下一點主題區 (5) - 失落河三角洲：
沿途可見幾艘木船
真像一個港口
呢度又有船搭...
回望對面阿拉伯海岸
水晶骷髏頭魔宮，有勇氣來挑戰吧~
墜毀的直升機？
通往發現港的通道
主題區 (6) - 發現港：
發電機下的禮品店
隔離有電氣化火車
水上逗趣船碼頭
我地去左搭火車，估唔到 TOMY 除左出火車模型之外，真既都有！
火車站內多人等候
其中一列到站列車
車身紅色著晒燈，有 d似以前既山頂纜車
在火車上遙望美國海濱
窗外靚景...
臨走前不忘為火車拍一張相片
搭完火車後，我地步行返出口，搭番迪士尼渡假區線返舞濱，跟住搭 JR京葉線去八丁堀，轉地鐵日比谷線去茅場町，然後轉東西線搭一個站落日本橋。
日本橋站大大隻字 mark 住高島屋百貨公司既顯示牌，我地上左 8/F 既糖朝食 Tea。
睇電視就見得多，o係高島屋竟然真係有電梯女郎！
雙腳都未踏入電梯佢地已經講一大堆野歡迎您，又九十度鞠晒躬好有禮貌，唔怪得之日本人咁受落...
香港既糖朝就幾好味，日本分店又如何？試下先...
叫左芝麻糊豆腐花、紅豆豆腐花各一碗，另外一碟炸腸...wow...有香港水準喎...
食飽左搭地鐵銀座線去上野買衫，o係 JR 上野站俾我地發現有地下 siding：
通勤快速列車，專為上落班乘客而設
由上野搭 JR山手線返池袋，又係晚飯既時候，我地決定去今朝發現既日高屋食拉麵。
我地叫左兩碗拉麵、兩客細炒飯同一碟餃子，豬骨湯底既拉麵依然有水準，正！
餃子皮薄多汁而不油膩，都只係賣 150 yen一客，抵食！食到大家捧住個肚返酒店...... ﹝待續﹞
