近排連續幾個星期六、日西鐵都搞開放日，之前錯過左幾個站，今日點都要去參觀一下。

今日係西鐵屯門站同荃灣西站既開放日，我約埋一班好友一齊去，當中仲包括首次以個人遊身份來港既廣人兄添~

甫上輕鐵站，即遇見我既愛車 -- 1104號輕鐵：

我地由最近我既屯門站開始，一入站電子屏幕上已顯示歡迎語句：

大家試用新式出/入閘機：

小朋友排隊玩攤位遊戲：

參觀者細心閱讀車站職員派發既車站簡介單張：

大堂設有“西鐵影院”播放有關西鐵資訊既片段：

o係大堂巡視左一周，我地搭扶手電梯上月台。

今日仍在試車，月台上既資訊顯示屏亦顯示出下兩班列車既到站時間：

月台幕門上既西鐵路線圖：

整個屯門站以白色為主色，配以藍色柱，簡潔光猛，下為月台一景：

西鐵列車正埋站：

裝設在兩邊月台車頭既閉路電視，可讓列車司機監察乘客上落車情況：

從月台一端望出去往兆康方向既路軌：

朋友們都拍了許多相片，甚至DV，大家看完屯門站意猶未盡，出發往另一目的地 -- 荃灣西站。

荃灣西站以紅色為主色﹝咁似荃灣地鐵站既？﹞，下為大堂，參觀者正在客務中心排隊買紀念品：

大堂一景：

每個西鐵站均設有洗手間方便乘客，荃灣西站亦不例外：

大堂補票處，六角型設計，型哩！

月台在下一層，下為往南昌二號月台一景：

大大隻月台號碼及方向顯示！

出口一邊是扶手電梯另一邊是樓梯，沿用地鐵設計：

月台幕門上的路線圖：

列車到站時，顯示屏該班車的顯示會轉為綠色字體：

月台長室也是六角型的：

另一邊往屯門方向一號月台一景：

設計與二號月台相同：

試車亦有四分鐘一班，都算密車：

二號月台明顯較暗，留意地板上既 "V"字係用黎指示乘客排隊既：

睇完荃灣西站，我地一班 HKRU 好友正在為找地方開會煩惱...

上了地面出口後，大家看見荃灣往馬灣的渡輪碼頭，朋友忽發奇想，不如去馬灣咯！

一來未去過，二來佢地話可近距離看到青馬橋靚景，咁一於去行下。

十五分鐘船程後，我地抵達馬灣，搵間餐廳坐低醫下肚先...

島上唯一一間 Cafe，食物賣相 / 水準唔錯，仲唔係太貴，下面呢個 Tiramatsu Cake Set 都只係 HK$38：

仲要有雪糕添，正呀~~~

朋友叫既拉麵餐﹝幾多料﹞，亦只係三十幾蚊：

另一好友叫既西多士，見過西多士咁擺上碟未﹝砌積木﹞？

離開餐廳後我地搵左個露天廣場傾左一陣，日落既青馬橋簡直靚絕：

快要天黑了：

天差不多黑齊，又是另一番景象：

今日既旅程就在青馬橋下結束 ~