原本諗住上七一廣州有兩個目的：

(1) 影青藏車﹝青藏鐵路廣州至拉薩列車﹞；

(2) 廣州地鐵三號線延長總站至番禺

結果青藏車未開通﹝傳聞最快要八月﹞，廣州地鐵三號線又未 extend，直通車飛又一早買鬼左，索性上去渡假...

話明係逍遙遊當然有咁歎得咁歎，直通車買下晝果班，點幾鐘至o係紅磡開，朝早留番黎訓覺！

好耐無坐過直通車，當然要買未坐過既 Premium Class ﹝特等﹞豪一下，舒適度 + Services = excellent，有點像坐飛機坐頭等艙既感覺~

直通車做商務客同外國遊客居多﹝尤其係特等﹞，自然唔會見到成車細路仔V嘩鬼叫既情景，亦見唔到隨地吐痰爭先恐後既自由人...

整個車廂好寧靜好舒服，大家飲杯咖啡睇睇報紙雜誌吃些小食，一小時既旅程飛快過了去...

抵埗廣州先到酒店 check-in，放低晒 d 行李，抖左一陣，天口咁熱，梗係去冷氣地方 shopping啦！

廣州地鐵沿線有唔少商場與地鐵出入口連接，嘩...d人多到好似入左青衣城一樣...

買番個 puff 食o下先...除左呢隻雲呢拿原味，仲新出朱古力同綠茶味，都只係 $6，香港買要 $10一個架！

哈哈哈~ 食完野繼續 shopping，商場裡有好多扮靚既鋪頭，幫人修甲畫指甲等等，國內地方大鋪位都比香港大得多...

一場上到黎當然要遊o下車河，天時暑熱梗係呢o係地底搭地鐵啦~~

隔一排無上到黎，原來一號線車站試緊裝幕門，同二號線果款一樣~

黃沙站係第一個試驗車站，估唔到玩野到連個站 d光管都換埋黃色，成個站都好黃呀！

回程既時候，竟然見到... 二號線既列車在一號線行走？原來係一號線既新車，買番二號線既車款~

車廂內部基本上和二號線既分別不大，最明顯係無左 Gangway 上既顯示屏，換來閃燈路線圖...

車廂一覽：

車廂編號：

車門上方用閃燈路線圖，有點熟悉的感覺嗎？

製造商的水牌：

終於在西朗站影到了車頭大相：

傍晚時分，返回酒店食 buffet，估唔到 buffet 頗有水準，做緊 discount 都只係人民幣 $114！

話明係逍遙遊，第二朝梗係訓到好晏至起身，下晝去左上下九，幫媽子買藥...

依家廣州都用晒 LED 紅綠燈，仲要有動畫 d公仔識郁：

十甫路豎左個大百事吹氣汽水罐，原來百事做緊 promote sponsor 緊某  d宣傳活動~

臨走前返回天河區買野，去 Starbucks  hea 了一陣...

焦糖咖啡星冰樂：

Lemon Tart，小魚至愛，酸酸地好開胃好好味，香港唔係經常有得賣，澳門果隻食落似益力多味，廣州呢隻最正宗~

本來 plan 左搭七點幾既廣深列車返香港，點知...賣晒飛，唯有買後補，好在有位坐...

之前果班加班車都幾離譜，用廣州 <->上海K100果批車底跑，全部臥舖無位坐，

仲要 d枕頭被舖疊到高一高，床係三層既，d人想坐床都坐唔到，但係仲可以照賣飛，搞到 d人個個唔上迫晒落呢班車...

返到香港見好多人過關，可能遇上七一假期 d人禮拜五晚上左去呢晚趕返落黎第二日返工，好彩用電子過關都唔係好耐...

返到黎香港食晚飯，見到好多人頭 dup dup，估計係買晒巴西輸波輸到垂頭喪氣...